medium

large

thumbnail

small

custom-size

Dreyri bauð upp á páskaeggjaleit í morgun

Dregið hefur úr norðan hvassviðri og vorið er handan við hornið

1536x1536

2048x2048

Vegagyðjan verður reist við Búðardal í dag

Nói Síríus selur páskaegg á hálfvirði

Margir í vandræðum á fjallvegum fyrir norðan

Gleðilega páska!

core/freeform

Skagamenn máttu játa sig sigraða gegn Vestra, 84-96, þegar liðin mættust í 1. deild karla í körfuknattleik í gær. Leikið var á Akranesi.

Mikið jafnræði var með liðunum í upphafi leiks og þau skiptust á að leiða. Þegar fyrsti leikhluti var hálfnaður var Vestri stigi yfir og þeir náðu heldur yfirhöndinni eftir það. Skagamenn fylgdi fast á hæla þeirra og voru þremur stigum á eftir að fyrsta leikhluta loknum, 23-26. Gestirnir frá Ísafirði gerðu mikið áhlaup í öðrum fjórðungi. Skagamenn voru lengi að finna taktinn og skoruðu aðeins tvö stig fyrstu fimm mínútur leikhlutans. Þá var staðan 25-43 fyrir Vestra. Skagamenn fundu sig betur eftir því sem nær dró hléinu og náðu að minnka muninn í tíu stig áður en hálfleiksflautan gall, 39-49.

Skagamenn héldu í við gestina framan af síðari hálfleik, átta stigum munaði um miðjan þrijða leikhluta í stöðunni 52-60. Þá náðu gestirnir góðum kafla og höfðu 17 stiga forskot fyrir lokafjórðunginn, 59-76. Vestri jók forskot sitt snemma í fjórða leikhluta og Skagamenn gátu aðeins klórað í bakkann. Þeir komust aldrei nær en í 84-96, sem urðu lokatölur leiksins.

Marcus Dewberry skoraði 30 stig fyrir Skagamenn og tók tólf fráköst. Friðrik Hrafn Jóhannsson kom honum næstur með 15 stig, Jón Frímannsson skoraði 13 stig og tók sex fráköst en aðrir höfðu minna.

Nebosja Knazevic var atkvæðamestur í liði Vestra. Hann setti upp myndarlega þrennu með 23 stig, 15 fráköst og 15 stoðsendingar, auk þess sem hann stal boltanum sjö sinnum. Ingimar Aron Baldursson var með 17 stig og sex fráköst, Björn Ásgeir Ásgeirsson 17 stig einnig, Nökkvi Harðarson ellefu stig og sex fráköst, Ágúst Angantýsson tíu stig, sjö fráköst og fimm stoðsendingar og Adam Smári Ólafsson tíu stig.

Skagamenn eru enn án sigurs á botni deildarinnar, tíu stigum á eftir FSu í sætinu fyrir ofan. Þessi tvö lið mætast einmitt í lokaleik Skagamanna á tímabilinu. Skagamenn og FSu eigast við á Akranesi á fimmtudaginn, 8. mars.

ÍA án sigurs fyrir lokaleikinn