medium

large

thumbnail

1536x1536

small

custom-size

Akranesmótið í pílu um helgina

2048x2048

Vígreif í hefðbundnu karlastarfi

Lóa Arianna sigraði í Stóru upplestrarkeppninni

Héraðsþing HSH var haldið á Lýsuhóli

Snæfell tapaði eftir framlengingu og féll í fyrstu deild

Stórsýningin Verk og vit fer nú fram í Laugardalnum – myndasyrpa

core/freeform

Krapaflóð féll úr bæjarlæknum ofan við Augastaði í Hálsasveit í Borgarfirði aðfararnótt laugardags og olli skemmdum. Flóðið hafnaði meðal annars á gámi sem stendur skammt austan við íbúðarhúsið á bænum, en gámur þessi hýsir viðkvæm rannsóknatæki sem Japanir eiga til að mæla norðurljós. Íbúðarhúsið slapp við flóðið, að sögn Snorra Jóhannessonar bónda, en vatn náði að leka inn um óþétta hurð á gámnum og reiknar hann með að skemmdir hafi orðið á tækjum og tölvubúnaði sem inn í honum eru. Það muni þó koma betur í ljós þegar reynt verður að kveikja á þeim að nýju.

Svipað flóð að magni til féll á bæjarhúsin á Augastöðum árið 1985 og þar áður er vitað um krapaflóð úr þessum læk árið 1930. Stífla kemur í lækinn í um 700 metra hæð og safnast þá vatn ofan við hana sem brýtur sér svo leið niður með miklum látum. Snorri segir að úrkoman á föstudaginn hafi verið gríðarlega mikil samhliða hlýindum og snjóbráð í fjallinu og úr Okinu. Hann segir að sökum hvassviðris hafi úrkomumælir sem er á bænum ekki náð að mæla úrkomumagnið þar sem úrkoman var lárétt þegar hún féll til jarðar í suðaustan rokinu.

Krapaflóð skemmdu tæki til norðurljósarannsókna