medium

large

thumbnail

small

custom-size

Hlutur ferðaþjónustu í landsframleiðslu aldrei verið meiri

1536x1536

Veiðihús við Andakílsá að taka á sig mynd

Gary Martin gengur til liðs við Víking Ólafsvík

2048x2048

Grásleppuveiðidögum fjölgað

Fjölmenningarþema í Heiðarskóla

Toska fríkar út á morgun

core/freeform

Skallagrímur vann góðan útisigur á Stjörnunni, 64-73, þegar liðin mættust í Domino‘s deild kvenna í gærkvöldi.

Stjörnukonur voru sterkari í fyrsta leikhluta og komust sjö stigum yfir, 15-8, eftir sex mínútna leik. Þær héldu þeirri forystu næstu mínúturnar en með góðri rispu undir lok leikhlutans minnkaði Skallagrímur muninn í tvö stig, 21-19. Skallagrímskonur komust síðan yfir snemma í öðrum fjórðungi og héldu forystunni allt til hálfleiks.

Staðan í hléinu var 30-36 fyrir Borgarnesliðinu og Skallagrímskonur höfðu áfram yfirhöndina í síðari hálfleik. Þær náðu níu stiga forskoti um miðjan þriðja leikhluta sem Stjarnan minnkaði síðan niður í tvö stig. Skallagrímur átti lokaorðið í þriðja og leiddi með sex stigum fyrir fjórða leikhluta, 50-56. Snemma í lokafjórðungnum komust Skallagrímskonur tíu stigum yfir en Stjörnukonur gerðu hvað þær gátu að saxa á forskotið. Þær náðu að minnka muninn í þrjú stig seint í leiknum en nær komust þær ekki. Skallagrímur hafði að lokum níu stiga sigur, 64-73.

Carmen Tyson-Thomas var atkvæðamest í liði Skallagríms með 35 stig og 16 fráköst. Sigrún Sjöfn Ámundadóttir skoraði 15 stig og tók tíu fráköst og Bríet Lilja Sigurðardóttir var með 13 stig og átta fráköst.

Danielle Rodriguez var atkvæðamest í liði Stjörnunnar með 29 stig, níu fráköst og níu stoðsendingar og Bríet Sif Hinriksdóttir skoraði ellefu stig.

Með sigrinum minnkaði Skallagrímur bilið milli liðanna í deildinni. Liðið situr í fimmta sæti með 18 stig, fjórum stigum á eftir Stjörnunni sem er í fjórða sæti sem gefur keppnisrétt í úrslitakeppninni í vor.

Næst leikur Skallagrímur á sunnudaginn, 25. febrúar, þegar liðið mætir Haukum í Borgarnesi.

&nbsp;

Skallagrímur krækti í mikilvæg stig