medium

large

thumbnail

1536x1536

small

custom-size

Skallagrímur úr leik eftir tap gegn Þór

Stefán Bjarki Akranesmeistari í pílu 2024

2048x2048

Vegaskemmdir eftir asahláku á laugardaginn

Fengu gull á vorbikarmótaröð í hnefaleikum

Lúðrasveit lék fyrir Borgnesinga

Skagamenn í öðru sæti eftir stórsigur á Fylki

core/freeform

Skagamenn töpuðu stórt, 54-112, gegn Hamri þegar liðin mættust í 1. deild karla í körfuknattleik á föstudagskvöld. Leikið var á Akranesi.

Jafnt var á með liðunum fyrstu mínútur leiksins en leiðir skildu um miðjan upphafsfjórðunginn. Í stöðunni 8-10 settu gestirnir í fluggírinn, skoruðu 18 stig það sem eftir lifði leikhlutans gegn aðeins tveimur stigum Skagamanna. Staðan að loknum fyrsta var því 10-28 fyrir Hamri. Gestirnir héldu uppteknum hætti í öðrum leikhluta, skoruðu hverja körfuna á fætur annarri og höfðu 29 stiga forskot í hálfleik, 22-51.

Skagamenn léku betur í síðari hálfleik en í þeim fyrri en það kom ekki í veg fyrir að bilið milli liðanna breikkaði enn frekar. Hamar leiddi 37-86 að loknum þremur leikhlutum og vann að lokum stórsigur, 54-112.

Friðrik Hrafn Jóhannsson var stigahæstur í liði Skagamanna með 14 stig. Sindri Leví Ingason var með ellefu stig og sjö fráköst og Jón Frímannsson skoraði tíu stig.

Dovydas Strasunskas var atkvæðamestur gestanna með 26 stig og átta fráköst, Jón Arnor Sverrisson skoraði 19 stig og tók fimm fráköst, Larry Thomas var með 15 stig, níu fráköst og átta stoðsendingar, Julian Nelson 15 stig og Smári Hrafnsson ellefu.

Skagamenn eru án sigurs á botni deildarinnar, sex stigum á eftir FSu. Næst leikur ÍA fimmtudaginn 15. febrúar næstkomandi þegar liðið mætir Gnúpverjum á útivelli.

Skagamenn fengu skell á heimavelli