medium

large

thumbnail

1536x1536

2048x2048

small

custom-size

Þriðja úthlutun úr Framkvæmdasjóði DalaAuðs

Skallagrímur vann Þór og tryggði sér oddaleik

Fellsströndin og Gullni söguhringurinn

Héldu smiðjuhelgi í Borgarnesi

Ekki byrði heldur virði – virkara og hraustara eldra fólk

Leikskólabörn skoðuðu sjúkrabílinn

core/freeform

Skallagrímur vann góðan sigur á Breiðabliki í toppslag 1. deildar karla í körfuknattleik. Leikið var í Borgarnesi í gærkvöldi. Eftir góða byrjun gestanna tóku Skallagrímsmenn öll völd á vellinum og sigruðu með 99 stigum gegn 84.

Blikar voru öflugir í upphafi og leiddu 10-16 þegar fyrsti leikhluti var hálfnaður. Skallagrímsmenn komu sér upp að hlið þeirra en gestirnir luku upphafsfjórðungnum af krafti og náðu tíu stiga forskoti, 21-31. Eftir það snerist taflið við. Snemma í öðrum leikhluta komst Skallagrímur yfir og þeir héldu nokkurra stiga forskoti allt til loka fyrri hálfleiks. Heimamenn voru sex stigum yfir í hléinu, 52-46.

Skallagrímsliðið mætti ákveðið til síðari hálfleiks, keyrðu upp hraðann og gerðu sig líklega til að stinga af. Blikar héldu í við þá fyrst um sinn en á seinni hluta þriðja leikhluta náði Skallagrímur mjög góðum leikkafla og 19 stiga forystu fyrir lokafjórðunginn, 77-58. Breiðablik náði að minnka muninn niður í tíu stig áður en fjórði leikhluti var hálfnaður en nær komust þeir ekki. Skallagrímsmenn léku af yfirvegun það sem eftir lifði leiks og hleyptu gestunum ekki inn í leikinn aftur. Lokatölur urðu 99-84, Skallagrími í vil.

Eyjólfur Ásberg Halldórsson setti upp enn eina þrennuna í leiknum í gær. Hann skoraði tólf stig, tók ellefu fráköst og gaf tíu stoðsendingar. Aaron Parks var hins vegar stigahæstur í liði Skallagríms með 26 stig. Bjarni Guðmann Jónsson og Kristófer Gíslason voru með 17 stig hvor og Darrell Flake var með tíu stig og níu fráköst.

Herbert Jeremy Smith var atkvæðamestur í liði Breiðabliks með 30 stig og níu fráköst, Erlendur Ágúst Stefánsson skoraði 14 stig og þeir Halldór Halldórsson, Árni Elmar Hrafnsson og Snorri Vignisson tíu stig hver.

Með sigrinum styrkti Skallagrímur stöðu sína á toppi deildarinnar. Hafa Borgnesingar nú 26 stig í fyrsta sæti og fjögurra stiga forskot á Breiðablik. Næst leikur Skallagrímur föstudaginn 26. janúar næstkomandi þegar liðið mætir Vestra á útivelli.

Skallagrímur styrkti stöðu sína á toppnum