Súputónleikar í TOSKA í hádegi bóndadags

Á morgun föstudaginn 19. janúar er bóndadagurinn. „Þá er við hæfi að bjóða Þorrann velkominn. Í tilefni af því verða súputónleikar kl 12.10 í anddyri Tónlistarskólans á Akranesi. Þetta er tilvalið tækifæri til að brjóta upp hefðbundið föstudagshádegi og eiga ánægjulega stund með ungu fólki í heimi tónlistarinnar,“ segir í tilkynningu.

Boðið verður upp á súpu og brauð fyrir 1.000 krónur.  Tónleikarnir standa í u.þ.b. 40 mínútur. „Hér er kærkomið tækifæri til að næra bæði líkama og sál og kúpla aðeins frá amstri hversdagsins í aðdraganda helgarinnar. Allir eru velkomnir.“

Líkar þetta

Fleiri fréttir