medium

large

thumbnail

1536x1536

small

custom-size

Akranesmótið í pílu um helgina

2048x2048

Vígreif í hefðbundnu karlastarfi

Lóa Arianna sigraði í Stóru upplestrarkeppninni

Héraðsþing HSH var haldið á Lýsuhóli

Snæfell tapaði eftir framlengingu og féll í fyrstu deild

Stórsýningin Verk og vit fer nú fram í Laugardalnum – myndasyrpa

core/freeform

ÍA mætti Breiðabliki í 1. deild karla í körfuknattleik í gærkvöldi. Leikur liðanna fór fram í Kópavogi. Blikar höfðu undirtökin í allan leikinn og höfðu að lokum 14 stiga sigur, 99-85.

Breiðablik byrjaði leikinn mun betur en Skagamenn voru nokkrar míntútur að finna taktinn. Blikar leiddu 20-4 um miðjan fyrsta leikhluta en þá tók ÍA liðið við sér og náði að minnka muninn í 28-20 áður en upphafsfjórðungurinn var úti. Skagamenn komu ákveðnir til annars leikhluta, minnkuðu muninn í fjögur stig og hleyptu Blikum ekki frá sér næstu mínúturnar. En þegar nær dró hléinu spýttu Blikar heldur betur í og tryggðu sér 19 stiga forskot í hléinu, 58-39.

Forysta Breiðabliks hélst meira og minna óbreytt allan þriðja leikhluta. Skagamenn náðu ekki að minnka muninn að ráði og fyrir vikið voru heimamenn 16 stigum yfir fyrir lokafjórðunginn, 78-62. Það sem eftir lifði leiks var svipaða sögu að segja. Breiðablik hafði góð tök á leiknum og Skagamenn náðu ekki að laga stöðuna nema um örfá stig. Blikar sigruðu 99-85.

Marcus Dewberry átti stórleik fyrir Skagamenn, skoraði 40 stig, tók níu fráköst og gaf níu stoðsendingar. Sigurður Rúnar Sigurðsson skoraði 18 stig og tók fimm fráköst en aðrir höfðu minna.

Sex leikmenn Breiðabliks skoruðu tíu stig eða meira í leiknum. Stigahæstur þeirra var Jeremy Herbert Smith sem setti upp huggulega þrennu. Hann skoraði 29 stig, tók tíu fráköst og gaf tíu stoðsendingar.

Skagamenn sitja enn á botni deildarinnar, stigalausir eftir 13 leiki spilaða. Framundan er erfið ferð vestur á Ísafjörð þar sem ÍA mætir Vestra tvo daga í röð, laugardagin 20. janúar og sunnudaginn 21. janúar næstkomandi.

Skagamenn töpuðu fyrir Breiðabliki