medium

large

thumbnail

1536x1536

2048x2048

small

custom-size

Nýtt póstbox tekið í notkun í Búðardal

Borgfirðingabók komin á Storytel

Hvalfjörður – efnaverksmiðja í bígerð

Úrslit í stærðfræðikeppni grunnskólanna á Vesturlandi

Hljóðhönnuðurinn Gulli Gunnarsson vinnur til BAFTA verðlauna

Hafnarstjórinn sem hefði getað orðið prestur

core/freeform

Samtök íþróttafréttamanna gangast í 62. sinn fyrir vali á Íþróttamanni ársins. Verður greint frá því hver hreppir nafnbótina við hátíðlega athöfn í Hörpu í kvöld, 28. desember. Kunngjört hefur verið hvaða tíu íþróttamenn hlutu flest atkvæði í kjörinu og skipa fimm karlar og fimm konur tíu efstu sætin. Þar á meðal er Skagakonan Valdís Þóra Jónsdóttir, atvinnukylfingur úr Golfklúbbnum Leyni.

Þeir íþróttamenn sem koma til greina sem Íþróttamaður ársins eru:

Aníta Hinriksdóttir, frjálsar íþróttir
Aron Einar Gunnarsson, knattspyrna
Guðjón Valur Sigurðsson, handknattleikur
Gylfi Þór Sigurðsson, knattspyrna
Helgi Sveinsson, íþróttir fatlaðra
Hrafnhildur Lúthersdóttir, sund
Jóhann Berg Guðmundsson, knattspyrna
Ólafía Þórunn Kristinsdóttir, golf
Sara Björk Gunnarsdóttir, knattspyrna
Valdís Þóra Jónsdóttir, golf

Þá standa Samtök íþróttafréttamanna í sjötta sinn fyrir vali á liði ársins og þjálfara ársins, samhliða vali á Íþróttamanni ársins. Karlalandslið Íslands í knattspyrnu kemur til greina sem lið ársins, sem og karlalið Vals í handknattleik og kvennalið Þórs/KA í knattspyrnu. Um nafnbótina þjálfari ársins bítast þau Elísabet Gunnarsdóttir, þjálfari kvennaliðs Kristiansand í sænsku úrvalsdeildinni í knattspyrnu, Heimir Hallgrímsson, þjálfari karlalandsliðs Íslands í knattspyrnu og Þórir Hergeirsson, þjálfari norska kvennalandsliðsins í handknattleik.

Kjörinu á íþróttamanni ársins, þjálfara ársins og liði ársins verður lýst í kvöld, 28. desember, á sameiginlegu hófi Samtaka íþróttafréttamanna og Íþrótta- og Ólympíusambands Íslands í Hörpu.

Valdís Þóra tilnefnd sem Íþróttamaður ársins