medium

large

thumbnail

1536x1536

small

custom-size

Akranesmótið í pílu um helgina

2048x2048

Vígreif í hefðbundnu karlastarfi

Lóa Arianna sigraði í Stóru upplestrarkeppninni

Héraðsþing HSH var haldið á Lýsuhóli

Snæfell tapaði eftir framlengingu og féll í fyrstu deild

Stórsýningin Verk og vit fer nú fram í Laugardalnum – myndasyrpa

core/freeform

Snæfell tók á móti Breiðabliki í síðustu umferð Domino‘s deildar kvenna fyrir jólafrí. Leikið var í Stykkishólmi á laugardag. Urðu Snæfellskonur að játa sig sigraðar, 66-71, í leik þar sem gestirnir höfðu yfirhöndina lungann úr leiknum.

Liðin fylgdust að í upphafi leiks og Snæfell leiddi með einu stigi, 7-6, þegar fyrsti leikhluti var hálfnaður. Þá náðu gestirnir forystunni og höfðu fjögurra stiga forskot þegar leikhlutinn var úti, 13-17. Jafnræði var með liðunum framan af öðrum leikhluta en þegar líða tók nær hléinu fóru gestirnir að síga fram úr. Breiðablik leiddi með ellefu stigum í hálfleik, 28-39. Snæfellsliðið kom ákveðið til síðari hálfleiks og minnkaði muninn jafnt og þétt framan af þriðja leikhluta. Um hann miðjan hafði Snæfell minnkað forskot gestanna í fimm stig, 40-45. Eftir það náðu Blikakonur góðri rispu og leiddu með 13 stigum fyrir lokafjórðunginn, 47-60. Snæfellskonur minnkuðu muninn jafnt og þétt í fjórða leikhluta en Breiðablik sleppti aldrei tökum sínum á leiknum. Snæfell komst ekki nær en sem nam fimm stigum í stöðunni, 63-68, þegar tvær mínútur lifðu leiks en þar við sat og Breiðablik hafði að lokum sigur, 66-71.

Kristen McCarthy var atkvæðamest í liði Snæfells með 27 stig, tólf fráköst og fimm stolna bolta. Næst henni kom Berglind Gunnarsdóttir með 20 stig og þá Rebekka Rán Karlsdóttir með ellefu stig.

Ivory Crawford átti stórleik fyrir gestina, skoraði 34 stig, tók sjö fráköst og gaf fimm stoðsendingar. Auður Íris Ólafsdóttir var með 18 stig en aðrar höfðu minna.

Þegar deildin fer í jólafrí situr Snæfell í sjöunda og næstneðsta sæti með tíu stig, tveimur stigum á eftir Skallagrími í sætinu fyrir ofan en langt frá stigalausum Njarðvíkurkonum sem verma botnsætið. Næst leikur Snæfell gegn Íslands- og bikarmeisturum Keflavíkur. Sá leikur fer fram í Stykkishólmi á nýju ári, laugardaginn 6. janúar næstkomandi.

Snæfellskonur þurftu að lúta í gras á heimavelli