medium

large

thumbnail

1536x1536

2048x2048

small

custom-size

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

Aukin hætta á fuglainflúensu með komu farfuglanna

Glæsilegir tónleikar í Borgarneskirkju

Akranesmótið í pílu um helgina

Vígreif í hefðbundnu karlastarfi

core/freeform

Yfirþjálfarar landsliða og landsliðsþjálfarar í hópfimleikum hafa valið úrtakshóp vegna Evrópumótsins í hópfimleikum sem fram fer á næsta ári. Um 200 iðkendur mættu á fyrstu úrtaksæfingu landsliðsins og alls voru hundrað iðkendur frá átta félögum valdir í fyrsta úrvalshópinn. Þrjár stúlkur úr Fimleikafélagi Akraness voru valdar í úrvalshóp stúlkna. Það eru þær Guðný Sigurrós Jóhannsdóttir, Guðrún Julianne Unnarsdóttir og Valdís Eva Ingadóttir. Þá voru fjórir fyrrum iðkendur Fimleikafélags Akraness valdir í úrvalshóp karla, þeir Guðmundur Kári Þorgrímsson, Logi Örn Axel Ingvarsson, Helgi Laxdal Aðalgeirsson og Guðjón Snær Einarsson. Allir æfa þeir nú með Stjörnunni.

Á heimasíðu Fimleikasambandsins segir að landsliðsþjálfarar muni fylgjast vel með þróun iðkenda og endurskoða hópinn fyrir seinni úrtaksæfingu sem haldin verður í mars. Það er því enn möguleiki að vinna sér sæti í hópnum með góðri frammistöðu í mótum vetrarins. Lokahópurinn fyrir Evrópumótið í hópfimleikum verður síðan valinn um miðjan maí.

Sjö Vestlendingar í úrvalshópi í hópfimleikum