medium

thumbnail

small

custom-size

Gary Martin gengur til liðs við Víking Ólafsvík

large

1536x1536

2048x2048

Grásleppuveiðidögum fjölgað

Fjölmenningarþema í Heiðarskóla

Toska fríkar út á morgun

ÓH verktakar sjá um fiskmarkaðinn á Akranesi

Mokafli eftir hrygningarstopp

core/freeform

Skallagrímur mátti sætta sig við tap á heimavelli gegn Stjörnunni, 81-91, þegar liðin mættust í Domino‘s deild kvenna í gærkvöldi. Leikurinn var jafn og spennandi en gestirnir skelltu í lás í fjórða leikhluta og kláruðu leikinn.

Stjarnan hafði undirtökin stærstan hluta upphafsfjórðungsins og leiddi með átta stigum um hann miðjan, 7-15. Þá tóku Skallagrímskonur að sækja í sig veðrið og staðan var jöfn að fyrsta leikhluta loknum, 27-27. Skallagrímsliðið var sterkara í öðrum leikhluta og hafði að jafnaði fimm til sex stiga forskot lengi vel. En á lokamínútu fyrri hálfleiks náði Stjarnan góðri rispu og hafði tveggja stiga forystu í hléinu, 46-48.

Leikurinn var áfram jafn og spennandi eftir hléið og jafnræði með liðunum. Stjarnan leiddi með þremur til fjórum stigum framan af þriðja leikhluta en undir lok hans náði Skallagrímsliðið að koma sér upp að liði gestanna. Með síðustu körfu leikhlutans tryggðu gestirnir sér þriggja stiga forskot fyrir lokafjórðunginn, 67-70 og leikurinn í járnum. Skallagrímskonur fylgdu gestunum eins og skugginn þar til um miðjan fjórða leikhltua. Þá hertu Stjörnukonur tökin í vörninni og fóru að hitta með eindæmum vel á hinum enda vallarins. Skilaði það þeim tíu stiga forskoti sem þær héldu allt til leiksloka. Stjarnan hafði sigur, 81-91.

Carmen Tyson-Thomas átti stórleik í liði Skallagrims með 37 stig, 19 fráköst, sex stoðsendingar, fimm stolna bolta og fjögur varin skot. Jóhanna Björk Sveinsdóttir var með 16 stig og tólf fráköst en aðrar höfðu minna.

Danielle Rodrigues setti upp risastóra þrennu fyrir Stjörnuna, skoraði 46 stig, tók ellefu fráköst og gaf ellefu stoðsendingar. Að auki var hún með þrjá stolna bolta og þrjú varin skot. Bríet Sif Hinriksdóttir skoraði 26 stig og tók sex fráköst en aðrar höfðu minna.

Skallagrímur situr eftir leikinn í sjötta sæti deildarinnar með tólf stig, tveimur stigum á eftir Breiðabliki í sætinu fyrir ofan en tveimur stigum á undan Snæfelli í sætinu fyrir neðan.

Næst leika Skallagrímskonur á laugardaginn, 16. desember, þegar þær mæta Haukum á útivelli.

Gestirnir skelltu í lás í fjórða leikhluta