medium

thumbnail

small

custom-size

Úrslit í stærðfræðikeppni grunnskólanna á Vesturlandi

Hljóðhönnuðurinn Gulli Gunnarsson vinnur til BAFTA verðlauna

large

1536x1536

2048x2048

Hafnarstjórinn sem hefði getað orðið prestur

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

core/freeform

Snæfellingar máttu sætta sig við tap gegn Hamri, 105-99, þegar liðin mættust í 1. deild karla í körfuknattleik á föstudag. Snæfell hafði undirtökin stærstan hluta leiksins en heimamenn náðu forystunni í fjórða leikhluta og tókst að halda henni til leiksloka.

Snæfell byrjaði leikinn betur og hafði sex stiga forystu eftir nokkurra mínútna leik, 8-14.  Heimamenn jöfnuðu og eftir það var jafnt á með liðunum og þau skiptust á að leiða. Hamar hafði tveggja stiga forystu þegar fyrsti leikhluti rann sitt skeið á enda, 29-27. Snæfellingar voru öflugri í öðrum fjórðungi. Eftir að hafa fylgt heimamönnum eins og skugginn fyrstu mínútur hans tóku þeir að síga fram úr. Þeir höfðu 14 stiga forskot eftir miðjan fjórðunginn en heimamenn náðu aðeins að minnka muninn síðustu mínútur fyrri hálfleiks svo tíu stigum munaði í hléinu. Snæfell leiddi, 52-62.

Hólmarar voru öflugri í upphafi síðari hálfleiks, komust 14 stigum yfir að nýju snemma í þriðja leikhluta,54-68. En þá tóku heimamenn við sér, náðu snörpum leikkafla þar sem þeir skoruðu níu stig gegn engu og minnkuðu muninn í fimm stig, 63-68 en komust ekki nær að sinni. Snæfell hafði nokkurra stiga forskot út leikhlutann og leiddi með sjö stigum fyrir lokafjórðunginn, 75-82. Heimamenn jöfnuðu í 82-82 snemma í fjórða leikhluta og leikurinn var í járnum eftir það. Hamarsmenn höfðu heldur yfirhöndina en Snæfell fylgdi þeim eins og skugginn. Snæfellingum tókst þó ekki að ná forystunni á nýjan leik heldur voru það heimamenn sem leiddu allt til loka og sigruðu að endingu með sex stigum, 105-99.

Christian Covile fór mikinn í liði Snæfells, skoraði 34 stig, tók 14 fráköst og stal fimm boltum. Þorbergur Helgi Sæþórsson skoraði 18 stig og tók átta fráköst, Viktor Marinó Alexandersson var með 16 stig, fimm fráköst og fimm stoðsendingar, Nökkvi Már Nökkvason skoraði 14 stig og Geir Elías Úlfur Helgason var með 13 stig og fimm fráköst.

Snæfell hefur 16 stig eftir tólf leiki og situr í þriðja sæti deildarinnar með jafn mörg stig og næstu tvö lið fyrir neðan. Hólmarar eru komnir í jólafrí í deildinni og leika ekki aftur fyrr en á nýja árinu. Næst mæta þeir ÍA í Vesturlandsslag á Akranesi sunnudaginn 7. janúar.

Snæfell missti sigurinn úr greipum sér