Frá undirritun samningsins. F.v. Magnús Guðmundsson, formaður KFÍA, Bjarki Steinn Bjarkason, Jóhannes Karl Guðjónsson, þjálfari mfl. karla og Hulda Birna Baldursdóttir, framkvæmdastjóri KFÍA. Ljósm. KFÍA.

ÍA semur við efnilegan leikmann

Knattspyrnufélag ÍA hefur gert samning við hinn unga og efnilega Bjarka Stein Bjarkason um að leika með liðinu næstu tvö árin, eða út leiktímabilið 2019. Bjarki er fæddur árið 2000 og er uppalinn hjá Aftureldingu í Mosfellsbæ. Hann spilaði tíu leiki með liðinu í 2. deild karla síðasta sumar og skoraði í þeim tvö mörk. Hann á að baki þrjá landsleiki með U17 ára landsliði Íslands og tvo með U18 ára landsliðinu. Í tilkynningu á vef KFÍA er komu Bjarka til félagsins fagnað. „Það er mjög jákvætt að fá Bjarka Stein loksins til félagsins. Bjarki Steinn er ungur og efnilegur leikmaður sem styrkir okkur mikið. Hann er líka með mikinn metnað til að ná langt í fótbolta og það er það sem við leitum að í leikmönnum hér á Skaganum, svo hann á bara eftir að vaxa og dafna og gera frábæra hluti í framtíðinni. Hann á framtíðina fyrir sér,“ segir Jóhannes Karl Guðjónsson, þjálfari ÍA.

Líkar þetta

Fleiri fréttir