Söfnuðu á aðra milljón í átakinu Bleikar og bláar heyrúllur

Söfnunarátakið Bleikar og bláar heyrúllur sem bændur, dreifingaraðilar og framleiðandi heyrúlluplasts standa að, skilaði 1,2 milljónum króna til Krabbameinsfélagsins í ár. Styrkurinn rennur til rannsókna Vísindasjóðs Krabbameinsfélagsins á brjóstakrabbameini og blöðruhálskirtilskrabbameini.

Á síðasta ári slógu Bleikar heyrúllur í gegn og var ætlað að vekja athygli á árvekni um brjóstakrabbamein. Í sumar bættust bláar heyrúllur við og skreyttu tún bænda víða um land með það að markmiði að minna á árvekni um blöðruhálskrabbamein. „Við þökkum öllum sem staðið hafa að þessu skemmtilega söfnunarátaki fyrir stuðninginn og fögnum samstöðu bænda, söluaðila og umboðsaðila í að vekja athygli á árvekni gagnvart algengustu krabbameinum íslenskra karla og kvenna,“ segir í tilkynningu.

Líkar þetta

Fleiri fréttir