Kræklingur í Hvalfirði nú laus við eiturþörung

Matvælastofnun hefur síðastliðin tvö ár varað við neyslu kræklings úr Hvalfirði. Ástæða viðvörunar var sú að DSP þörungaeitur í skelkjöti hafði greinst yfir viðmiðunarmörkum og eitraður þörungur sem getur valdið DSP eitrun í skelfiski var á sveimi í firðinum síðastliðið ár. Var um óvenjulega langt tímabil að ræða sem varað var við neyslu kræklings af svæðinu. Við sýnatöku úr sjó í Hvalfirði nú í byrjun nóvember var kræklingi safnað við Fossá. Ekki varð vart við eitraða þörunga í sjónum. „Þörungaeitur greindist en það var undir þeim viðmiðunarmörkum sem sett hafa verið. Fólk getur því haldið í fjöru og tínt krækling og gætt sér á uppskerunni,“ segir í tilkynningu frá Matvælastofnun.

Líkar þetta

Fleiri fréttir