medium

large

thumbnail

small

custom-size

Gul viðvörun fyrir norðan- og austanvert landið á páskadag

1536x1536

2048x2048

Hægt að bjóða í málverk til stuðnings átaksverkefni – er til sýnis í dag

Notendavænni og sjálfvirkari þjónusta við íbúa

Stefna á að nýtt ráðhús verði byggt við Mánabraut

Einungis yngsta stigi grunnskóla verður kennt á Varmalandi

Baráttan eykst um bílastæðin í höfuðborginni

core/freeform

Skallagrímur byrjaði keppnistímabilið á sigri þegar liðið lagði Njarðvík á útivelli, 66-84, í fyrstu umferð Domino‘s deildar kvenna í körfuknattleik.

Upphafsfjórðungurinn var nokkuð jafn framan af en Skallagrímskonur höfðu þó heldur yfirhöndina og leiddu að honum loknum, 18-26. Þær höfðu áfram stjórnina í öðrum leikhluta og juku forskot sitt. Mest leiddu þær með 14 stigum um miðjan fjórðunginn en heimakonur spyrntu við fótum og minnkuðu muninn í sex stig. Skallagrímur átti hins vegar lokaorðið í fyrri hálfleik og leiddi með tíu stigum í hléinu, 46-36.

Skallagrímskonur höfðu prýðilega stjórn á leiknum í síðari hálfleik og héldu heimaliðinu í skefjum. Smám saman juku þær forskot sitt allt til leiksloka á meðan Njarðvík fékk ekki rönd við reist. Lyktir leiksins urðu öruggur 18 stiga sigur Skallagríms, 66-84.

&nbsp;

<strong>Ótrúlegar tölur</strong>

Leikurinn var fyrsta heimsókn Carmen Tyson-Thomas til Njarðvíkur eftir að hún var látin fara frá félaginu á síðustu leiktíð. Hún sýndi sínum gömlu liðsfélögum heldur betur hvar Davíð keypti ölið og átti risaleik fyrir Skallagrím. Hún var með 32 stig, 22 fráköst, 4 stoðsendingar, 5 stolna bolta og 4 varin skot. Ótrúlegar tölur hjá Carmen.

Sigrún Sjöfn Ámundadóttir var með 16 stig, 5 fráköst og 4 stoðsendingar og Fanney Lind Thomas 14 stig og 4 fráköst.

Skallagrímur leikur næst sunnudaginn 8. október næstkomandi þegar liðið mætir Snæfelli í sannkölluðum Vesturlandsslag í Borgarnesi.

Carmen með risaleik í sigri Skallagríms