medium

thumbnail

small

custom-size

Fyrri umferð biskupskosningar lokið – Elínborg datt út

large

1536x1536

2048x2048

Vel mætt á fund miðbæjarsamtakanna um Akratorg

Úthlutað úr Minningarsjóði Heimis Klemenzsonar

Skýlaus krafa um að leyfi til hvalveiða verði tafarlaust gefið út

KSÍ og Jóhannes Karl framlengja

Komu heim hlaðin verðlaunum af ÍM50 í sundi

core/freeform

Miklar verklegar framkvæmdir eru nú í gangi víða í Snæfellsbæ með tilheyrandi aukinni umferð stórra ökutækja. Smári Hauksson íbúi við Ennisbraut í Ólafsvík býr beint á móti sundlaug bæjarins og skóla. Hann vekur athygli á auknum akstri stórra vörubíla með farm sem nú fari gegnum bæinn á of miklum hraða að hans mati. „Hraði þessara bíla hefur verið að aukast mikið upp á síðkastið með tilheyrandi slysahættu,“ segir Smári sem hvetur til þess að umferðarhraði verði tekinn niður um þessar götur.

Áhyggjur íbúa í Ólafsvík vegna hraðaksturs bíla eru ekki nýjar af nálinni. Í frétt Skessuhorns árið 2007 sagði m.a.: „Íbúar og forsvarsmenn fyrirtækja við Ólafsbraut í Ólafsvík eru orðnir þreyttir á hraðakstri einka- og flutningabíla, en talsverð umferð er um þessa aðalgötu bæjarins. Vegna þess hafa íbúar staðið fyrir undirskriftalista þar sem kemur fram að þeir vilja að bæjaryfirvöld beiti sér í málinu og umferðarhraða verði náð niður við Ólafsbraut t.d. með hraðahindrunum.“ Bæjaryfirvöld svöruðu íbúum í kjölfar þessara undirskriftalista og tóku undir áhyggjur þeirra. Óskað var eftir viðræðum við Vegagerðina um málið. Komið var til móts við þessar ábendingar meðal annars með því að setja þrengingar á Ennisbraut. Kristinn Jónasson bæjarstjóri segir í samtali við Skessuhorn að 50 km/klst hraði sé almennt leyfður þar sem þjóðvegur liggur í gegnum þéttbýli, nema lögreglusamþykkt viðkomandi sveitarfélags segi annað. „Við höfum á undanförnum árum verið í góðu samstarfi við Vegagerðina og fleiri aðila og sett t.d. þrengingar á götur en einnig hraðaskilti sem benda ökumönnum á ef of greitt er ekið miðað við aðstæður og umhverfi. Við höfum vissulega þann möguleika að færa umferð um götur niður fyrir 50 km/klst hraða en slíkt krefðist þess að gera yrði breytingar á lögreglusamþykkt,“ segir Kristinn sem jafnframt á ekki von á því að starfsmenn Vegagerðarinnar mæli með að umferðarhraði á þjóðvegi í gegnum þéttbýli verði lækkaður.

Telja of geyst ekið um götur Ólafsvíkur