medium

large

thumbnail

1536x1536

2048x2048

small

custom-size

Landaður afli einungis 60 þúsund tonn í mars

Halda Sambandsþing Norræna félagsins á Akranesi næstkomandi laugardag

Lánveitingar Byggðastofnunar halda áfram að skapa störf

ÍA og Tindastóll mætast í Mjólkurbikarnum

Þungatakmarkanir taka gildi á fimmtudaginn

Fyrri umferð biskupskosningar lokið – Elínborg datt út

core/freeform

Þriðji leikur Skallagríms og Keflavíkur í undanúrslitum Íslandsmóts kvenna í körfuknattleik fór fram í Keflavík í gærkvöldi. Fyrir leikinn í gær var staðan í undanúrslitunum jöfn, 1-1 en með 65-52 sigri náðu Keflvíkingar yfirhöndinni í einvíginu.

Skallagrímskonur byrjuðu betur, skoruðu fyrstu sex stigin og héldu Keflavík án stiga þar til um miðjan upphafsfjórðunginn. Þá jöfnuðu heimakonur í 6-6 áður en Skallagrímur komst yfir að nýju. Aftur jafnaði Keflavík og staðan var 13-13 eftir fyrsta leikhluta. Snemma í öðrum leikhluta náði Keflavík góðum spretti og átta stiga forskoti, 23-15. Þær stjórnuðu gangi mála næstu mínútur en Skallagrímur náði að minnka muninn í tvö stig fyrir hléið. Staðan í hálfleik var, 26-24.

Skallagrímskonur jöfnuðu í byrjun þriðja leikhluta en eftir það skelltu Keflvíkingar í lás í vörninni. Þær hefðu getað stungið af og klárað leikinn en þeim gekk ekki jafn vel sóknarlega og varnarlega. Mest náði Keflavík 13 stiga forskoti, seint í leikhlutanum en Skallagrímur minnkaði muninn í tíu stig fyrir lokafjórðunginn, 44-34. Skallagrímskonur gerðu áhlaup í upphafi fjórða leikhluta og náðu með snörpum leikkafla að minnka muninn í fimm stig en komust ekki nær. Keflvíkingar juku forskot sitt að nýju og að lokum fór svo að þær höfðu 13 stiga sigur, 65-52.

&nbsp;

<strong>Ósátt með dómgæsluna</strong>

Skallagrímskonur náðu sér aldrei á strik sóknarlega. Skotnýting þeirra var aðeins 23% á móti 37% nýtingu Keflavíkurliðsins. Þær unnu hins vegar frákastabaráttuna og voru mjög öflugar í sóknarfráköstunum, tóku 32 slík en tókst ekki að gera sér mat úr því. Keflvíkingar skoruðu 20 stig af vítalínunni í 28 tilraunum en Skallagrímur fékk 10 stig af línunni úr 17 tilraunum.

Sigrún Sjöfn Ámundadóttir, leikmaður Skallagríms, kvaðst í samtali við karfan.is eftir leik vera mjög ósátt við dómgæsluna í leiknum. „Við byrjuðum mjög vel. Varnarleikurinn var góður fannst mér, allan leikinn, en einhvern veginn finnst mér við vera flautaðar út úr leiknum,“ sagði Sigrún og ef til vill hafði hún eitthvað til síns máls. Alls var 25 sinnum dæmd villa á Skallagrím í leiknum en aðeins 11 sinnum á Keflvíkinga. Fannst Sigrúnu flautað á sitt lið fyrir sömu atriði og ekki var dæmd villa á þegar Keflvíkingar áttu í hlut. „Við erum að fá [dæmt] á það sem þær fá ekki. Það er engin lína og þar liggur leikurinn,“ sagði Sigrún.

Tavelyn Tillman var eini leikmaður Skallagríms sem komst í tveggja stafa tölu á stigatöflunni. Hún skoraði 23 stig, tók 6 fráköst og vann boltann 6 sinnum að auki. Fanney Lind Thomas var með 9 stig, 12 fráköst og 4 varin skot og Sigrún Sjöfn Ámundadóttir var með 8 stig og 11 fráköst. Ariana Moorer var atkvæðamest Keflvíkinga með 19 stig, 12 fráköst og 7 stoðsendingar.

&nbsp;

<strong>Að duga eða drepast</strong>

Skallagrímskonur eru komnar með bakið upp við vegg fyrir fjórða leik liðanna sem fram fer í Borgarnesi á mánudaginn, 10. apríl næstkomandi. Keflvíkingar leiða einvígið 2-1 og Skallagrímur þarf því á sigri að halda í Borgarnesi á mánudag til að knýja fram oddaleik.

Skallagrímur með bakið upp við vegg