medium

large

thumbnail

1536x1536

2048x2048

small

custom-size

Hafnarstjórinn sem hefði getað orðið prestur

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

core/freeform

Keppni í Domino‘s deild kvenna í körfuknattleik hófst á ný eftir bikarviku í gærkvöldi. Snæfell mætti nýkrýndum bikarmeisturum Keflavíkur suður með sjó. Liðin hafa mæst tvisvar áður í vetur og í bæði skiptin hefur Snæfell haft betur. Engin breyting varð á því í gærkvöldi því Snæfell hafði sigur eftir nokkuð kaflaskiptan leik, 57-62.

Upphafsleikhlutinn var mjög óvenjulegur. Snæfell byrjaði mun betur og komust í 3-10 um miðjan leikhlutann. Keflavíkurkonur voru lengi í gang en þegar þær vöknuðu til lífsins var eins og slökkt hefði verið á Snæfellsliðinu og Keflavík tók öll völd á vellinum. Þær jöfnuðu snarlega í 10-10 og leiddu síðan 18-10 eftir fyrsta leikhlutann. Snæfellskonur tóku að saxa á forskotið strax í upphafi annars fjórðungs og gerðu allt til hálfleiks harða atlögu að heimakonum. Þær stóðu áhlaup Snæfells þó af sér en ekki mikið meira en það. Keflavík leiddi með einu stigi í hálfleik, 29-28.

Leikurinn var jafn og spennandi fyrst eftir hléið en með góðum kafla undir lok þriðja leikhluta náði Snæfell forystunni og leiddi með tveimur stigum fyrir lokafjórðunginn, 45-47. Liðin skoruðu ekki stig fyrstu þrjár mínúturnar í fjórða leikhluta en eftir það náði Snæfell að byggja upp smá forskot. Seint í leiknum gerði Keflavík síðan atlögu að sigrinum. Þær jöfnuðu í 53-53 en komust ekki lengra því stáltaugar Snæfells héldu á lokamínútunum. Þær svöruðu með þriggja stiga körfu og kláruðu síðan leikinn af vítalínunni. Lokatölur í Keflavík voru 57-62, Snæfelli í vil.

Aaryn Ellenberg var atkvæðamest í liði Snæfells með 29 stig og níu fráköst. Berglind Gunnarsdóttir var með tíu stig og níu fráköst en aðrar höfðu minna.

Með sigrinum komst Snæfell upp að hlið toppliðs Skallagríms með 32 stig eftir 21 leik. Vesturlandsliðin tvö mætast síðan í stórleik næstu umferðar í Borgarnesi laugardaginn 18. febrúar næstkomandi.

Snæfell lagði nýkrýnda bikarmeistara