medium

thumbnail

small

custom-size

Úrslit í stærðfræðikeppni grunnskólanna á Vesturlandi

Hljóðhönnuðurinn Gulli Gunnarsson vinnur til BAFTA verðlauna

large

1536x1536

2048x2048

Hafnarstjórinn sem hefði getað orðið prestur

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

core/freeform

Nýverið var úthlutað úr Forskoti - afrekssjóði kylfinga og fá sjö atvinnukylfingar styrk úr sjóðnum að þessu sinni. Sjóðurinn hefur frá upphafi haft það að markmiði að styðja við þá kylfinga, atvinnumenn sem og áhugamenn, sem stefna á að komast í fremstu röð í heiminum í golfíþróttinni. Kylfingarnir sem nú hljóta stuðning eru Ólafía Þórunn Kristinsdóttir, Valdís Þóra Jónsdóttir, Birgir Leifur Hafþórsson, Axel Bóasson, Andri Þór Björnsson, Haraldur Franklín Magnús og Guðmundur Ágúst Kristjánsson.

Kylfingarnir Ólafía Þórunn Kristinsdóttir og Valdís Þóra Jónsdóttir leika báðar á sterkustu mótaröðum atvinnukylfinga og fá þær hæstu styrkina. Ólafía er með keppnisrétt á LPGA mótaröðinni í Bandaríkjunum og Valdís á LET Evrópumótaröðinni.  Valdís Þóra er, eins og lesendur þekkja, félagsmaður í Golfklúbbnum Leyni á Akranesi. Hún tryggði sér keppnisrétt á LET Evrópumótaröðinni í desember síðastliðnum og varð í öðru sæti á lokaúrtökumótinu í Marokkó. Valdís er að hefja sitt fyrsta ár á LET Evrópumótaröðinni en hún hefur leikið í þrjú tímabil á LET Access mótaröðinni í Evrópu. Valdís Þóra, sem er 27 ára, hefur tvívegis staðið uppi sem sigurvegari á Íslandsmótinu í golfi, árin 2009 og 2012.

Að þessu sinni kemur Bláa Lónið hf. inn í hóp þeirra fyrirtækja sem styðja við bakið á íslenskum afrekskylfingum. Stofnendur Forskots afrekssjóðs eru Eimskip, Valitor, Golfsamband Íslands, Íslandsbanki og Icelandair Group. Vörður tryggingar bættist í hópinn árið 2016 og nú Bláa Lónið. Þetta er í sjötta sinn sem íslenskir kylfingar fá úthlutað úr sjóðnum sem stofnaður var 2012.

Sjö atvinnukylfingar fá styrk úr afrekssjóði