medium

large

thumbnail

1536x1536

2048x2048

small

custom-size

Búið að ráða viðburðastjóra

Bjarki Pétursson varð í sjöunda sæti

Snæfell kom sér inn í einvígið gegn Tindastóli

Gleði og glaumur á söngleiknum Grease

Kallað eftir tilnefningum til foreldraverðlauna

Fellsströndin og Gullni söguhringurinn

core/freeform

Valdís Þóra Jónsdóttir, kylfingur úr GL á Akranesi, endaði í 51.-53. sæti á sínu fyrsta móti á Evrópumótaröð kvenna sem spilað var í Ástralíu fyrir og um helgina. Valdís lék samtals á höggi undir pari á hringjunum þremur og var nokkuð sátt með spilamennskuna. Í viðtali við kylfing.is segir hún að það hafi verið fínt að spila í mótinu. „Það er langt síðan ég hef spilað í móti svona snemma á árinu, en það var bara gaman. Ég var ekkert að mikla þetta mót eða þessa mótaröð eitthvað fyrir mér, þetta var bara eins og hvert annað mót. Ég er kannski ekki alveg hundrað prósent sátt með niðurstöðuna en ég er ágætlega sátt með spilamennskuna. Hún var stöðug og ekki mikið af vandræðum en fleiri pútt þurfa að detta. Það kemur,“ sagði Valdís Þóra hress í bragði, eftir að hafa lokið keppni í Ástralíu.

Nú heldur Valdís Þóra aftur heim til Íslands áður en undirbúningur fyrir næsta mót hefst. Hún er komin með þátttökurétt í móti í Frakklandi í mars en það er hluti af LET Access mótaröðinni, sem er næst-sterkasta mótaröð í Evrópu. „Ég ætla að fara til Spánar að æfa í mars fyrir mótið sem verður í Frakklandi seinna í mánuðinum. Þar mun ég svo æfa fyrir næsta mót á LET Evrópumótaröðinni. Ég kemst alveg inn á mótið í Frakklandi þar sem það er á LETAS og ég er með fínan status þar. Það mót er aðallega hugsað til að koma mér í betra keppnisform fyrir næsta mót á LET mótaröðinni sem verður í Marokkó í apríl.“

Næsta mót á LET mótaröðinni fer fram í Kína í mars. Valdís hafði gert sér vonir um að vera með á því en svo verður ekki. Hún mætir hins vegar, eins og áður segir, aftur til leiks á mótaröðina þegar Lalla Meryem Cup fer fram í Marokkó dagana 13.-16. apríl en það er þriðja mót ársins.

Valdís Þóra sátt eftir fyrsta mótið í Evrópumótaröðinni