medium

large

thumbnail

1536x1536

small

custom-size

Akranesmótið í pílu um helgina

2048x2048

Vígreif í hefðbundnu karlastarfi

Lóa Arianna sigraði í Stóru upplestrarkeppninni

Héraðsþing HSH var haldið á Lýsuhóli

Snæfell tapaði eftir framlengingu og féll í fyrstu deild

Stórsýningin Verk og vit fer nú fram í Laugardalnum – myndasyrpa

core/freeform

Skallagrímur tók á móti Keflavík í stórleik 18. umferðar Domino‘s deildar kvenna í körfuknattleik á laugardag. Fyrir leikinn voru liðin jöfn að stigum á toppi deildarinnar, Keflavík í 1. sæti en Skallagrímur í 2. sæti. Fyrirfram var búist við hörkuleik og sú varð einmitt raunin. Að lokum fór svo að Skallagrímskonur sigruðu með tveimur stigum eftir spennandi lokafjórðung, 71-69 og tylltu sér á toppinn.

Gestirnir byrjuðu betur í leiknum en Skallagrímskonur voru frekar lengi í gang. Keflavík leiddi með átta stigum eftir fyrsta leikhluta, 13-22 en taflið snerist við í öðrum fjórðungi. Þar voru Skallagrímskonur sterkari. Þær minnkuðu forskot Keflavíkur snarlega niður í tvö stig og þannig var staðan þar til eftir miðjan fjórðunginn. Þá jöfnuðu Skallagrímskonur og tóku síðan forystu í leiknum. Þær luku fyrri hálfleik af krafti og leiddu með átta stigum í hléinu, 44-36.

[caption id="attachment_10746" align="alignright" width="415"]<img class="wp-image-10746" src="http://skessuhorn.wpengine.com/wp-content/uploads/2017/01/Skallagrímskonur-tylltu-sér-á-toppinn_2-600x877.jpg" width="415" height="607" /> Manuel Rodriguez, þjálfari Skallagríms, var að vonum ánægður með sigurinn. Ljósm. Skallagrímur.[/caption]

Skallagrímskonur héldu uppteknum í þriðja leikhluta. Þær stjórnuðu ferðinni en undir lok leikhlutans tóku gestirnir við sér og minnkuðu muninn í fjögur stig fyrir lokafjórðunginn, 54-50. Keflavíkurkonur gerðu síðan gott betur en það og komust yfir snemma í fjórða leikhlutanum. Upphófust þá æsispennandi lokamínútur. Gestirnir leiddu með einu stigi næstu mínútur áður en Skallagrímskonur jöfnuðu metin. Þær náðu síðan forystunni og leiddu 70-64 þegar ein og hálf mínúta lifði leiks. Keflavík skoraði næstu stig leiksins og liðið hafði tækifæri til að jafna metin af vítalínunni þegar ellefu sekúndur voru eftir, en brást bogalistin og aðeins annað fór niður. Á lokasekúndunni skoruðu Skallagrímskonur síðasta stig leiksins, einnig af vítalínunni og unnu tveggja stiga sigur, 71-69.

Tavelyn Tillman var atkvæðamest í liði Skallagríms með 25 stig, átta stoðsendingar og fimm fráköst. Sigrún Sjöfn Ámundadóttir skoraði 17 stig, tók fjögur fráköst og gaf fjórar stoðsendingar og Ragnheiður Benónísdóttir var með 14 stig og sex fráköst.

Sem fyrr segir gerði sigurinn það að verkum að Skallagrímskonur tylltu sér á topp deildarinnar. Þær hafa 28 stig eftir 18 leiki og eru tveimur stigum á undan Snæfelli og Keflavík í 2. og 3. sæti.

Næst leikur Skallagrímur á miðvikudaginn, 1. febrúar, þegar liðið sækir Hauka heim í Hafnarfjörðinn.

Skallagrímskonur tylltu sér á toppinn