medium

thumbnail

small

custom-size

Viktor með þrennu í stórsigri Skagamanna

large

1536x1536

2048x2048

Nýtt póstbox tekið í notkun í Búðardal

Borgfirðingabók komin á Storytel

Hvalfjörður – efnaverksmiðja í bígerð

Úrslit í stærðfræðikeppni grunnskólanna á Vesturlandi

Hljóðhönnuðurinn Gulli Gunnarsson vinnur til BAFTA verðlauna

core/freeform

Atvinnutekjur á árinu 2015 námu rúmlega 980 milljörðum króna og voru að raunvirði ríflega einu prósenti hærri en árið 2008. Á sama tímabili fjölgaði íbúum landsins um rúm fimm prósent. Þessar upplýsingar er að finna í skýrslu sem Byggðastofnun hefur tekið saman um atvinnutekjur 2008-2015 eftir atvinnugreinum og landssvæðum. Mest hækkuðu atvinnutekjur á Suðurnesjum og Suðurlandi en einnig nokkuð á Norðurlandi eystra. Þær stóðu hins vegar nánast í stað á Vesturlandi og höfuðborgarsvæðinu en drógust saman á Vestfjörðum, Norðurlandi vestra og Austurlandi.

Atvinnutekjur á Vesturlandi námu 44,2 milljörðum króna á árinu 2015 og höfðu að raunvirði aukist um 0,2% frá því 2008. Á sama tíma fjölgaði íbúum landshlutans um 1,3%. Þessar tölur segja hins vegar ekki mikið til um þróunina innan landshlutans, sem var mjög mismunandi eftir sveitarfélögum. Á suðurhluta svæðisins, Akranesi og Hvalfjarðarsveit, lækkuðu atvinnutekjur um 3,7% en íbúum fjölgaði um 6,3%, mest á Akranesi. Í Borgarbyggð, Skorradalshreppi og Dalabyggð drógust atvinnutekjurnar saman um 8,7% og íbúum fækkaði um 4%. Atvinnutekjur jukust hins vegar nokkuð í sveitarfélögunum fjórum á Snæfellsnesi, eða um 2,3%, á meðan íbúum fækkaði um 1,6%.

Meðalatvinnutekjur á Vesturlandi voru rétt undir landsmeðaltali á síðasta ári og höfðu hækkað lítið eitt frá 2008. Hæstar voru þær á Akranesi og í Hvalfjarðarsveit árið 2015, eða 5% yfir landsmeðaltali. Á Snæfellsnesi voru þær rétt yfir landsmeðaltali og höfðu hækkað nokkuð frá árinu 2008. Á svæði sem inniheldur Borgarbyggð, Skorradalshrepp og Dalabyggð voru þær hins vegar 83% af landsmeðaltali og höfðu lækkað frá því 2008, að því er segir í skýrslunni.

Nánar má lesa um atvinnutekjur á Vesturlandi sem og annars staðar í skýrslunni sem birt er í heild sinni á vef Byggðastofnunar.

Atvinnutekjur á Vesturlandi nánast staðið í stað frá 2008