medium

large

thumbnail

1536x1536

small

custom-size

Gyða Björk kosin formaður ÍA á áttugasta ársþingi félagsins

Bæjarstjórn kynnir hugmyndir að nýju ráðhúsi við Mánabraut

2048x2048

Askja hefur opnað bílaumboð sitt á Vesturlandi

Forysta Framsóknar endurnýjaði umboð sitt

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

core/freeform

Alþjóðlegur gerðardómur hefur úrskurðað í máli sem HS Orka höfðaði gegn Norðuráli Helguvík árið 2014. Dómurinn kemst að þeirri niðurstöðu, öfugt við úrskurð gerðardóms frá árinu 2011, að HS Orku beri ekki að standa við ákvæði raforkusamnings sem fyrirtækið undirritaði við Norðurál í apríl 2007 vegna álvers í Helguvík í Garði. Norðurál vildi að HS Orka stæði við samninginn eins og hann var gerður í upphafi og afhenti fyrirtækinu orku í samræmi við hann, eða 150 MW. Byggingar álversins voru að hluta til reistar í Helguvík, en hafa staðið hálfkaraðar í tæpan áratug. Ragnar Guðmundsson, forstjóri Norðuráls, segir að sérfræðingar Norðuráls séu enn að fara yfir úrskurð gerðardómsins, en hann valdi vissulega vonbrigðum. „Við munum nú fara ítarlega yfir forsendur úrskurðarins og meta út frá því hvaða möguleikar eru fyrir hendi. Þá munum við kanna hvort mögulegt sé að afla orku til verkefnisins í Helguvík eftir öðrum leiðum,“ segir Ragnar.

Undanfarin ár hafa hendur HS Orku verið bundnar þegar kemur að nýtingu virkjanakosta og sölu raforku vegna þess að virkjanaleyfi hefur ekki fenginst og þá hefur fyrrgreindur ágreiningur við Norðurál sett strik í áætlanagerð HS Orku. Gerðardómur í Svíþjóð úrskurðaði 2011 að samningurinn ætti að standa, þrátt fyrir að skilyrði hans hafi ekki verið uppfyllt. Í samningnum var kveðið uppi um ákveðna arðsemi af orkusölunni. Eftir það hefur ekki fundist lausn, fyrr en hugsanlega nú þegar gerðardómur hefur kveðið upp fyrrnefndan úrskurð. Það var HS Orka sem höfðaði málið sumarið 2014 enda vildi fyrirtækið getað selt orkuna öðrum raforkukaupendum.

Gerðardómur dæmir HS orku í vil í raforkusölumáli í Helguvík