medium

thumbnail

small

custom-size

Úrslit í stærðfræðikeppni grunnskólanna á Vesturlandi

Hljóðhönnuðurinn Gulli Gunnarsson vinnur til BAFTA verðlauna

large

1536x1536

2048x2048

Hafnarstjórinn sem hefði getað orðið prestur

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

core/freeform

„Neytendasamtökin fagna því að öll stóru fjarskiptafyrirtækin skuli nú hafa hætt við gjaldtöku af neytendum vegna notkunar rafrænna skilríkja. Þar með hafa þau í raun fallist á kröfu samtakanna um gjaldfrelsi neytenda þar sem óverulegur kostnaður fellur á fjarskiptafyrirtækin vegna notkunar rafrænna skilríkja. Engin efnisleg rök eru því fyrir gjaldheimtunni,“ segir í tilkynningu frá Neytendasamtökunum. Staðan nú er því sú að ekkert hinna stóru fjarskiptafyrirtækja hér á landi munu taka gjald af neytendum fyrir notkun rafrænna skilríkja.

Á undanförnum vikum hafa Neytendasamtökin átt í samræðum við fyrirtækið Auðkenni og fjarskiptafyrirtækin NOVA, Vodafone og Símann vegna gjaldtöku rafrænna skilríkja. „Það er ljóst að Auðkenni, sem heldur utan um rafræn skilríki, hefur ekki hafið gjaldtöku vegna notkunar þeirra og mun að minnsta kosti ekki krefjast gjalds fyrr en eftir árið 2017. Þó hafði NOVA þegar byrjað að taka gjald af sínum viðskiptavinum og  fjarskiptafyrirtækið Vodafone ætlaði að hefja gjaldtöku nú um mánaðamótin. Þannig töldu fjarskiptafyrirtækin sig hafa orðið fyrir verulegum kostnaði vegna rafrænna skilríkja þar sem viðskiptavinir þurftu að fá ný SIM-kort til þess að geta virkjað skilríkin. Neytendasamtökin kröfðust þess að fyrirtækin endurskoði þá afstöðu sína að láta neytendur greiða fyrir notkun skilríkjanna þar sem engar efnislegar forsendur væru fyrir slíkri gjaldtöku og nú hafa fyrirtækin fallið frá gjaldtökunni,“ segir í frétt Neytendasamtakanna um málið.

Ekkert fjarskiptafyrirtæki mun taka gjald fyrir rafræn skilríki