medium

large

thumbnail

1536x1536

2048x2048

small

custom-size

Kvennatölt hestamannafélagsins Borgfirðings

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

core/freeform

Slysavarnadeildin Líf á Akranesi leggur áherslu á sýnileika. Við höfum í allmörg ár gefið endurskinsmerki til barna í leik- og grunnskólum á Akranesi og í Hvalfjarðarsveit. Þar að auki gáfum við þúsund endurskinsmerki árið 2015 en þá mönnuðum við vaktir við verslanir á Akranesi og brýndum fyrir fólki að nota þau. En betur má ef duga skal. Átakið „Láttu sjá þig“  er verkefni sem Slysavarnafélagið Landsbjörg hefur staðið fyrir. Myndbandið „Það er svalt að vera upplýstur,“ sem gert var af ungu fólki á Akureyri, sýnir á mjög myndrænan hátt muninn á því hver sýnileiki er með og án endurskinsmerkja. Við græðum rúmlega 100 metra í sýnileika með því að nota endurskinsmerki, eða sýnileika í 125 m fjarlægð í umferðinni í stað 5 metra. Endurskinsmerki tapa eiginleikum sínum rispast og velkjast og því þarf að endurnýja þau. Núna í byrjun aðventu ætlar Slysavarnadeildin Líf því að endurtaka leikinn og gefa endurskinsmerki.

<strong>Fjölbreytt starfsemi</strong>

Slysavarnadeildin Líf var stofnuð árið 1940 og hefur starfað óslitið síðan. Við höldum félagsfundi mánaðarlega frá september og fram í apríl. Við gefum ungbarnagjafir í samstarfi við Ungbarnaeftirlit HVE og gefum útskriftarnemendum í grunnskólum reykskynjara ár hvert í samstarfi við tryggingafélögin sem eru með útibú á Akranesi. Þá gefum við endurskinsmerkin nemendum í grunn- og leikskólum í það minnsta annað hvert ár. Við stöndum fyrir Sjómannadagskaffisölu í Jónsbúð, gerum leiðisgreinar fyrir jólin í samstarfi við jólatrjáasölu Björgunarfélag Akranes. Við höldum félagsvistarkvöld á fimmtudögum í Jónsbúð yfir vetrarmánuðina. Við styrkjum Björgunarfélag Akranes og störfum með þeim. Við höfum líka styrkt góð málefni á Akranesi með peningaframlögum. Í haust fór Slysavarnadeildin í forvarnargöngu á opin leiksvæði í bænum. Þar var ástand þeirra tekið út með tilliti öryggis barnanna. Það að starfa með slysavarnadeildinni er gefandi verkefni í góðum félagsskap með fólki á öllum aldri.

<em>-tilkynning</em>

Skammdegið er skollið á – láttu sjá þig!