medium

large

thumbnail

1536x1536

small

custom-size

Akranesmótið í pílu um helgina

2048x2048

Vígreif í hefðbundnu karlastarfi

Lóa Arianna sigraði í Stóru upplestrarkeppninni

Héraðsþing HSH var haldið á Lýsuhóli

Snæfell tapaði eftir framlengingu og féll í fyrstu deild

Stórsýningin Verk og vit fer nú fram í Laugardalnum – myndasyrpa

core/freeform

Bæjarstjórn Snæfellsbæjar skorar á fjarskiptafyrirtæki að bæta farsímasamband í sunnanverðu sveitarfélaginu, eða í Staðarsveit og Breiðuvíkurhreppi. Þar er GSM samband slæmt og nokkrir bæir sem varla hafa farsímasamband að nokkru ráði. Þetta kemur fram í ályktun bæjarstjórnar þar sem bæjarstjórn lýsir yfir þungum áhyggjum af slæmu GSM, 3G og 4G farsímasambandi. Í ályktuninni segir að ástandið sé sérlega slæmt í Staðarsveit, á svæði sem afmarkast af Lágafellshyrnu í austri og Þorgeirsfellshyrnu í vestri. „Á þessu svæði er GSM samband slæmt og þó nokkrir bæir sem hafa varla GSM farsímasamband að nokkru ráði. Þetta ástand skapar mörg vandamál og óþægindi fyrir íbúa jafnt sem ferðamenn,“ segir í ályktuninni. Þar kemur einnig fram að komið gætu upp vandamál við innskráningu í heimabanka á svæðinu, nú þegar fleiri en einn viðskiptabanki hafa tilkynnt að um næstu áramót verði hætt að notast við auðkennislykla við innskráningu í heimabanka og að öll auðkenni fari í gegnum rafræn skilríki í GSM síma. Það muni augljóslega ekki ganga upp á nokkrum bæjum þar sem ástandið er hvað verst.

„Þann 5. nóvember sl. lentu tveir einstaklingar, sem gengu til rjúpna frá Slitvindastöðum í Staðarsveit, í hrakningum í fjalllendinu á þessu svæði. Þeir villtust í þoku og fundust ekki fyrr en daginn eftir kaldir og hraktir. Lélegt og nánast ekkert GSM farsímasamband á leitarsvæðinu gerði björgunarsveitarmönnum mjög erfitt fyrir bæði við leitina sjálfa og ekki síður við að finna stað fyrir stjórnstöð Landsbjargar þar sem fjarskipti gætu farið fram með eðlilegum og nauðsynlegum máta, sem næst leitarsvæðinu. Bæjarstjórn skorar því hér með á þau fjarskiptafyrirtæki sem selja þjónustu sína á þessu svæði að fjölga nú þegar GSM sendum, að uppfæra núverandi senda, eða með öðrum hætti að tryggja sem best GSM farsímasamband á þessu svæði! Því öryggi íbúanna og ferðalanga er í húfi,“ segir að endingu í ályktuninni.

Skora á fjarskiptafyrirtæki að bæta farsímasamband