medium

large

thumbnail

1536x1536

2048x2048

small

custom-size

Gríðarlega góður andi og stemning í hópnum

Söngleikurinn Grease frumsýndur á föstudag

Góð afkoma hjá Borgarbyggð

Ruslið og angistin

Þór hafði sigur á Skallagrími í spennuleik

Skipulagsfræðingur telur Hvassahraun úr sögunni og vill varaflugvöll í Borgarfjörð

core/freeform

Þann 4. mars síðastliðinn urðu starfsmenn “Orca Guardians Iceland” varir við nýborinn háhyrningskálf í þekktum hópi háhyrninga sem heldur sig við Snæfellsnes á veturna. Efnt hefur verið til samkeppni um nafn á nýja einstaklinginn og er hægt að taka þátt á fésbókarsíðu félagsins. Lengi hefur verið fylgst með þessum tiltekna hóp en hann ferðast á milli Íslands, Skotlands og Hjaltlandseyja og heldur sig við Íslandsstrendur á veturna eins og áður kom fram og ferðast svo suður til Hjaltlandseyja og Skotlands á vorin og sumrin. Eftir að það sást til kálfsins aftur í haust var ákveðið að efna til þessarar nafnasamkeppni. Nú er búið að fækka uppástungum niður í fjögur nöfn og eru það Save, Tide, Echo og Norse og er kosningin í fullum gangi á fésbókarsíðunni. Dómararnir í keppninni koma frá Scottish Wildlife Trust‘s Living Seas Project, Caithness Sea Watching, Shetland Wildlife Tours og Orca Guardians/Láki Tours í Grundarfirði. Það verður spennandi að fylgjast með framvindu þessa nýja einstaklings sama hvaða nafn hann mun bera.

Samkeppni um nafn á nýborinn háhyrningskálf