medium

large

thumbnail

1536x1536

2048x2048

small

custom-size

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

Fjölbrautaskóli Snæfellinga 20 ára

core/freeform

Botnlið Snæfells tók á móti Stjörnunni í Stykkishólmi í gær. Nokkur eftirvænting var fyrir leiknum í Hólminum því með liði gestanna lék að þessu sinni gamla Snæfellshetjan og landsliðsmaðurinn Hlynur Bæringsson, sem sneri nýverið heim eftir atvinnumennsku í Svíþjóð. Hann lék með Snæfellsliðinu sem varð bikarmeistari árið 2008 og hampaði bæði Íslands- og bikarmeistaratitlinum árið 2010. Hlynur og liðsfélagar hans í Stjörnunni reyndust ungu liði Snæfells ofviða í leiknum í gær og vel það. Heimamenn steinlágu, 51-110.

Snæfell byrjaði leikinn ágætlega og hafði nokkurra stiga forskot á gestina stærsta hluta fyrsta leikhluta. Það dugði hins vegar skammt gegn geysisterku liði Stjörnunnar. Gestirnir komust yfir undir lok upphafsfjórðungsins og eftir það varð ekki aftur snúið. Garðabæjarliði stakk af snemma í öðrum fjórðungi og þegar flautað var til hálfleiks hafði það skorað tvöfalt fleiri stig en heimaliðið. Staðan í hléinu 24-48 fyrir Stjörnunni.

Gestirnir stjórnuðu gangi leiksins algjörlega og gerðu lítið annað en að bæta við stigaskorið á meðan hvorki gekk né rak hjá Snæfellingum. Þeir létu mótlætið á köflum hlaupa í skapið á sér, misstu einbeitinguna og áttu fyrir vikið erfitt uppdráttar. Bilið milli liðanna breikkaði jafnt og þétt allt til leiksloka og að lokum fór svo að Stjarnan rótburstaði Snæfell með 59 stiga mun, 51-110.

Viktor Marinó Alexandersson skoraði tólf stig fyrir Snæfell og þeir Sefton Barrett og Andrée Fares Michelsson voru með níu stig hvor en aðrir höfðu minna. Stigaskor gestanna var með ólíkindum jafnt, en átta leikmenn skoruðu á bilinu tíu til 14 stig í leiknum.

Snæfell er enn stigalaust á botni deildarinnar eftir fyrstu fimm leiki vetrarins. Næsti deildarleikur liðsins er gegn Tindastóli á Sauðárkróki fimmtudaginn 10. nóvember næstkomandi.

Í millitíðinni heimsækja Snæfellingar hins vegar Val í bikarkeppninni. Sá leikur fer fram í Valsheimilinu á mánudaginn, 7. nóvember.

Snæfell steinlá gegn Stjörnunni