medium

large

thumbnail

1536x1536

2048x2048

small

custom-size

Var mikill sveitamaður í sér þótt sjómennskan hafi orðið ofan á

Aukin hætta á fuglainflúensu með komu farfuglanna

Glæsilegir tónleikar í Borgarneskirkju

Akranesmótið í pílu um helgina

Vígreif í hefðbundnu karlastarfi

Lóa Arianna sigraði í Stóru upplestrarkeppninni

core/freeform

Skallagrímur mætti á Hlíðarenda í gær og vann góðan sigur á Val í Domino’s deild kvenna í körfuknattleik, 68-87, í leik  þar sem Sigrún Sjöfn Ámundadóttir fór á kostum og setti upp laglega þrennu.

Skallagrímskonur voru sterkari allan leikinn, allt frá fyrstu mínútu. Þær skoruðu fyrstu stig leiksins og höfðu yfirhöndina allt til leiksloka. Góður kafli undir lok fyrsta fjórðungs tryggði þeim 15 stiga forskot fyrir annan leikhluta. Svæðisvörn Skallagríms gerði heimaliðinu erfitt fyrir og Valskonur komust hvorki lönd né strönd í sókninni. Forskot Skallagríms hélst fyrir vikið nánast óbreytt fram að hálfleik þar sem Skallagrímur hafði 17 stiga forystu, 30-47.

Valskonur virtust hafa játað sig sigraðar í leikhléinu því þær virkuðu áhugalitlar og aðgerðir þeirra þar af leiðandi ómarkvissar. Skallagrímsliði gekk á lagið, nýtti sé gloppóttan varnarleik heimaliðsins og bætti hægt og rólega við forskot sitt allt til leiksloka. Þær héldu einbeitingunni allan tímann og unnu að lokuk öruggan 19 stiga sigur, 68-87.

Sem fyrr segir fór Sigrún Ámundadóttir fremst í flokki Skallagrimskvenna í gær. Hún settinupp myndarlega þrennu; 18 stig, 13 fráköst og 11 stoðsendingar. Stigahæst var hins vegar Tavelyn Tillman með 25 stig en hún tók átta fráköst að auki. Ragnheiður Benónísdóttir skoraði 16 stig og Jóhanna Björk Sveinsdóttir var með tíu en aðrar höfðu minna.

Eftir sigur gærdagsins eru Skallagrimskonur í öðru sæti  deildarinnar með tíu stig eftir sjö leiki, jafn mörg stig og topplið Keflavíkur og Snæfell sem er í þriðja sæti. Næsti deildarleikur Skallagríms er Vesturlandsslagur gegn Snæfelli í Stykkishólmi miðvikudaginn 9. nóvember næstkomandi.

Leikið er í Maltbikarnumi um helgina en Skallagrímur situr hjá í fyrstu umferð bikarkeppninnar, eins og greint hefur verið frá í Skessuhorni.

Sigrún með þrennu í sigri Skallagríms