medium

large

thumbnail

1536x1536

2048x2048

small

custom-size

Gríðarlega góður andi og stemning í hópnum

Söngleikurinn Grease frumsýndur á föstudag

Góð afkoma hjá Borgarbyggð

Ruslið og angistin

Þór hafði sigur á Skallagrími í spennuleik

Skipulagsfræðingur telur Hvassahraun úr sögunni og vill varaflugvöll í Borgarfjörð

core/freeform

Önnur umferð Domino‘s deildar karla í körfuknattleik hófst í gær. Snæfell tók á móti Njarðvík og máttu Hólmarar játa sig sigraða með 83 stig gegn 104 stigum gestanna.

Leikurinn var nokkuð jafn framan af fyrsta leikhluta en eftir hann miðjan tóku Njarðvíkingar að síga fram úr og náðu sjö stiga forskoti. En Snæfellsmenn svöruðu strax í upphafi annars fjórðungs. Þeir minnkuðu muninn í tvígang niður í eitt stig og fylgdu gestunum eins og skugginn. En þegar fjórar mínútur vantaði í hálfleik var eins og gestirnir segðu „hingað og ekki lengra“ og stungu af. Þeir leiddu með 18 stigum í hálfleik, 36-54.

Snæfellingum tókst aldrei að koma til baka eftir áhlaup gestanna undir lok fyrri hálfleiks. Njarðvíkingar bættu lítillega við forskot sitt snemma í þriðja leikhluta og munaði milli 20 og 27 stigum á liðinum allt til leiksloka. Að lokum fór svo að Njarðvík sigraði með 21 stigi, 83-104. En Snæfellingum til hróss þá hengdu þeir aldrei haus heldur héldu áfram eftir bestu getu allan tíman. Lið gestanna var einfaldlega of stór biti fyrir þá.

Sefton Barrett var atkvæðamestur í liði Snæfells með 19 stig, tíu fráköst og fimm stoðsendingar. Hinn ungi og efnilegi Andrée Fares Michelsson með 17 stig en aðrir höfðu minna.

Næsti leikur Snæfells fer fram fimmtudaginn 20. október næstkomandi, þegar liðið mætir Keflvíkingum suður með sjó.

Gestirnir stungu af rétt fyrir hálfleik