medium

large

thumbnail

1536x1536

2048x2048

small

custom-size

Hafnarstjórinn sem hefði getað orðið prestur

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

core/freeform

Um þessar mundir er verið að ljúka vegaframkvæmdum á Uxahryggjaleið og bundið slitlag lagt á þá hluta sem unnið hefur verið við á hluta leiðarinnar sem tengir saman Borgarfjörð og Suðurland um Þingvelli. „Við erum að endurbyggja vegarkafla í Lundarreykjadal frá Skarði og upp að Brautartungu. Þetta eru 5,4 kílómetrar sem verið er að ljúka við núna,“ segir Ingvi Árnason svæðisstjóri Vegagerðarinnar í Borgarnesi í samtali við Skessuhorn. Hann segir undirbúning við verkið hafa byrjað síðastliðið haust, þegar skipt var um ræsi og fleira. „Svo fór þetta ekki af stað fyrr en núna í sumar af alvöru og þeir eru að ljúka við þetta núna. Þessum kafla er þá lokið en síðan eru fleiri kaflar á dagskrá. En það er nú eins og við segjum, það er ekki alveg hægt að segja til um fjármögnun á þeim, vegaáætlun er ekki frágengin,“ segir Ingvi. Hann segir þó að gert sé ráð fyrir því að fljótlega verði hægt að hefjast handa við neðsta kaflann, frá Borgarfjarðarbraut við Götuás og upp að Gröf í Lundarreykjadal, sem er um 3,6 kílómetra kafli, og vonast til að Vegagerðin geti boðið það verk út í vetur. Eftir að því verki ljúki sé samt sem áður stór hluti leiðarinnar eftir, sem er samtals um sextíu kílómetra löng. Síðan er eftir að endurgera veginn frá Brautartungu upp að Þverfelli og þaðan yfir Uxahryggi og upp að Kaldadalsvegi.

Ingvi segir að búið sé að vinna á Suðursvæðinu, á Kaldadalsvegi frá Ármannsfelli og alveg upp að Uxahryggjavegi við Brunnavatn. Komið er bundið slitlag á meginhluta kaflans þar, bara smáspotti eftir Þingvallamegin. Meðfylgjandi mynd var af þeim hluta framkvæmdanna og tekin á sunnudaginn þegar yfirlögn stóð yfir.

Malbikað á Uxahryggjaleið og í Lundarreykjadal