medium

large

thumbnail

1536x1536

2048x2048

small

custom-size

Kvennatölt hestamannafélagsins Borgfirðings

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

core/freeform

Strætó hefur bætt við nýrri leið við reglubundinn akstur sinn um Vesturland. Sú leið er númer 86 og gengur um sunnanvert Snæfellsnes, á milli Hellna og Vegamóta en vagninn stoppar einnig á Arnarstapa. Vagninn ekur einungis á föstudögum og sunnudögum og fer til og frá Borgarnesi, í tengslum við leið 58 sem fer á milli Borgarness og Stykkishólms. Að sögn Ragnheiðar Einarsdóttur samgöngusérfræðings hjá Strætó var leiðin sett á fót að beiðni Samtaka sveitarfélaga á Vesturlandi. Þetta er í fyrsta skipti sem leið hjá Strætó ekur um sunnanvert Snæfellsnes, fyrir utan leið 82 sem hefur undanfarin sumur ekið að Arnarstapa frá Hellissandi,“ segir Ragnheiður.

Páll S. Brynjarsson framkvæmdastjóri SSV segir að íbúar á sunnanverðu Snæfellsnesi hafi lengi talað um að þörf væri fyrir akstur á sunnanverðu nesinu. „Þetta hefur verið rætt nokkrum sinnum á fundum hjá SSV. Við höfum verið með akstur á sumrin en núna ætlum við að prófa þetta yfir vetrartímann. Við fengum styrk frá Vegagerðinni til að fara í þetta tilraunaverkefni. Ekið verður tvisvar í viku og svo sjáum við til á næsta ári hvernig þetta er að ganga,“ segir Páll. Hann segir þetta fyrstu nýju leiðina á Vesturlandi síðan haustið 2012. „Við höfum haldið okkur við þær leiðir sem voru í upphaflegu leiðakerfi og gert örlitlar breytingar á hverri leið. En þetta er fyrsta nýja leiðin og ég held að ég fari rétt með að þetta sé í fyrsta sinn sem áætlunarbíll keyrir um Breiðuvík. En eins og ég segi þá eru það fyrst og fremst heimaaðilar sem hafa þrýst á að þarna sé ekið um og nú þegar styrkur fæst til verkefnisins þá var ákveðið að slá til,“ segir Páll.

Strætó ekur nú nýja leið um Snæfellsnes