medium

large

thumbnail

1536x1536

small

custom-size

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

2048x2048

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

Fjölbrautaskóli Snæfellinga 20 ára

Styrktartónleikar í Borgarneskirkju

core/freeform

"Það er ekki að gamni okkar sem við boðum til bændafundar nú þegar annar hver bóndi er ýmist í göngum eða að búa sig undir að fara í smalamennskur. Staða okkar er hins vegar sú að við gátum ekki beðið með að boða til almenns fundar," segir Þóra Sif Kópsdóttir formaður Félags sauðfjárbænda á Snæfellsnesi í samtali við Skessuhorn. Félag hennar auk félaganna í Dölum og Borgarfirði standa sameiginlega að bændafundi sem haldinn verður í kvöld klukkan 20:30 í félagsheimilinu Þinghamri í Stafholtstungum. "Á fundinn mæta forsvarsmenn sláturhúss Kaupfélags Skagfirðinga og Sláturfélags Suðurlands. Auk þess framkvæmdastjóri Landssambands sauðfjárbænda og mögulega einnig formaður þess. Þrátt fyrir að margir bændur séu í önnum, munu einhverjir beinlínis koma af fjöllum gagngert til að mæta og allir sem geta komið því við. Við hvetjum fólk til að sameinast í bílferðum og fjölmenna," segir Þóra Sif.

Ástæða fundarins er lækkun afurðaverðs sem sláturleyfishafar boðuðu um og eftir síðustu mánaðamót. Bændur höfðu farið fram á 12,5% hækkun afurðaverðs, en er boðin 5-10% lækkun á dilkakjöti og allt upp í 40% lækkun fyrir kjöt af fullorðnu.

Tímasetning fundarins sýnir alvarleika málsins