 |
Faxaflóameistarar. Ljósm. Alexander Eiríksson | Annar flokkur ÍA í knattspyrnu bar sigur úr bítum á Faxaflóamótinu sem lauk síðastliðinn sunnudag. Skagastrákarnir gerðu þá jafntefli við sameiginlegt lið Grindvíkinga og Njarðvíkinga og dugði það til sigurs í mótinu. Skagamenn enduðu mótið með 23 stig og fengu aðeins á sig fjögur mörk en skoruðu 30. FH-ingar voru skammt undan með 22 stig og einnig 26 mörk í plús. Þá kom Breiðablik með 19 stig, Keflavík með 14 og HK/Ýmir með 13 stig. Það eru þeir bræður Ólafur og Steinar Adolfssynir sem þjálfa annan flokkinn eins og síðasta sumar. Þeir virðast vera að gera góða hluti með stórefnilegt lið og ljóst að framtíðin virðist vera björt hjá Skagamönnum í fótboltanum.
|
