 Á Vesturlandi er nú hálka eða hálkublettir á vegum. Ófært er á Fróðárheiði og hálka er á Bröttubrekku. Hálka og éljagangur er á Holtavörðuheiði. Í öðrum landshlutum er það helst að frétta að á Vestfjörðum er hálka víðast. Á Steingrímsfjarðarheiði er snjóþekja og skafrenningur. Á sunnanverðum Vestfjörðum er hálka, snjóþekja, þæfingsfærð og víða skafrenningur. Snjóþekja er á Hálfdán og hálkublettir á Mikladal. Hálkublettir og skafrenningur er á Kleifaheiði. Ófært og stórhríð er á Klettsháls. Á Suðurlandi er víða hálka eða hálkublettir. Hálkublettir og skafrenningur er á Hellisheiði og hálkublettir í Þrengslum.
|
Norðanlands er hálka, snjóþekja og éljagangur. Hálka og skafrenningur er á Þverárfjalli og á Öxnadalsheiði. Búið er að opna Siglufjarðarveg og er þar hálka og skafrenningur. Búið er að opna veginn um Ólafsfjarðarmúla og þar er snjóþekja og éljagangur. Á Norðausturlandi er snjóþekja og éljagangur. Búið er að moka yfir Fjöllin og er snjóþekja og skafrenningur þar. Á Austurlandi er snjóþekja og hálka. Snjóþekja er á Vatnsskarði eystra. Hálka er á Fjarðarheiði, Fagradal, Oddskarði og með ströndinni. Á Suðausturlandi eru hálkublettir. Skafrenningur er við Vík og hálka við Kvísker.
|
