 |
Húsafell. Ljósm. Mats | Umhverfisstofnun ætlar að ráða landvörð í fullt starf í sumar til að fylgjast með friðlýstum svæðum á Vesturlandi. Þetta er tilraunaverkefni en starfið var auglýst nýlega ásamt störfum landvarða á náttúruverndarvæðunum þjóðgarðinum Snæfellsjökli, friðlandi að Fjallabaki, Mývatnssveit, Vatnsfirði, Gullfossi og Geysi, Dyrhólaey og Hornströndum. Náttúruverndarsvæðin lúta öll stjórn Umhverfisstofnunar en ýmist er starfsfólk eitt við landvörslu eða undir stjórn yfirlandvarðar eða þjóðgarðsvarðar viðkomandi svæðis.
|
Hjalti Guðmundsson sviðsstjóri náttúruaðlinda hjá Umhverfissofnun segir að með nýja starfinu á Vesturland sé verið að bæta framkvæmd með eftirliti friðlýstra svæða á landinu. Með svokallaðri svæðalandvörslu sem nú er beitt á Vesturlandi í tilraunaskyni verður það prófað að landvörður fylgist með fleiri en einu friðlýstu svæði. Hlutverk nýs starfsmanns á Vesturlandi verður að hafa eftirlit með svæðum eins og Húsafellsskógi, Barnafossum og jafnvel Eldborg.
Störf landvarða á framangreindum svæðum felast m.a. í að fylgjast með að á svæðinu séu ekki brotin ákvæði friðlýsingar svæðisins og lög um náttúruvernd, sjá um vöktun umhverfisþátta, móttöku gesta, veita upplýsingar og fræða gesti, halda við merktum gönguleiðum, sjá um gönguferðir og fræðslustundir og vera viðbúnir ef slys bera að höndum.
|
