Skessuhorn:

Vopnaður maður fangelsaður

13. febrúar 2007

Viðbúnaður fór af stað aðfararnótt sunnudags sl. á Akranesi þegar tilkynnt var um mann vopnaðan hlaðinni haglabyssu í heimahúsi. Aðgerða reyndist þó ekki þörf því skömmu eftir tilkynninguna afhenti maðurinn lögreglu byssuna. Hann hafði hvorki í hótunum né ógnaði neinum. Byssan var haldlögð og maðurinn vistaður í fangageymslu um nóttina m.a. sökum ölvunar. Hann gaf litlar skýringar á byssumeðhöndluninni og þvertók fyrir að byssan hafi verið hlaðin.