Skessuhorn:

Oddaleikur í kvöld í körfunni

6. apríl 2006

Leikmenn Skallagríms í körfuknattleik halda til Keflavíkur í dag þar sem þeir mæta liði Keflavíkur í fimmta leik liðanna í undanúrslitum Íslandsmótsins í körfuknattleik. Liðin eru nú jöfn að stigum og liðið sem vinnur í kvöld mætir Njarðvíkingum í einvígi um hinn eftirsótta titil.

Flestir töldu allan vind úr Skallagrímsmönnum eftir stórt tap í Keflavík í síðustu viku. Svo var alls ekki eins og í ljós kom í leik liðanna í Borgarnesi á mánudagskvöldið. Að vanda ætla stuðningsmenn Skallagríms að fylgja sínu liði og sætaferðir verða frá Íþróttamiðstöðinni í Borgarnesi kl. 16.30. Leikurinn í Keflavík hefst kl. 19.15.