| Að sögn Bjarna Freys starfsmanns Ferðaþjónustunnar var vissulega um glæfraflug að ræða þar sem hjól vélarinnar hafi m.a. snert trjátoppa í skóginum. “Ég sat við einn bústaðinn í skóginum ásamt vinafólki mínu þegar vélin skyndilega smaug rétt við hálsmálið á mér. Margir gesta á svæðinu urðu skelfingu lostnir og voru farnir að beigja sig niður og jafnvel leggjast á jörðina því flugmaðurinn endurtók þetta glæfraflug nokkrum sinnum. Við hringdum bæði í lögreglu og Flugmálastjórn og létum vita því við töldum víst að flugmaðurinn væri drukkinn miðað við háttarlag hans. Viðkomandi aðilar tóku hins vegar fálega í kvartanir okkar og finnst mér það sæta furðu”, sagði Bjarni Freyr og bætti því við að greina hefði mátt fæðingarblett á andliti eins farþegans í vélinni. |