Skessuhorn:

Nýskráning fyrirtækja á pari við gjaldþrot

26. janúar 2012

Í desember 2011 voru skráð 137 ný einkahlutafélög (ehf) hér á landi samanborið við 144 félög í desember 2010. Flest eru þessi nýju fyrirtæki í flokknum fjármála- og vátryggingastarfsemi. Athygli vekur að í sama mánuði voru nákvæmlega jafn mörg, eða 137 fyrirtæki, tekin til gjaldþrotaskipta, en það var 32 fyrirtækjum fleiri en í desember 2010. Eftir bálkum atvinnugreina voru flest gjaldþrot í byggingastarfsemi og mannvirkjagerð á síðasta ári. Heildarfjöldi gjaldþrota á árinu 2011 var 1.578 sem er 61% aukning frá árinu 2010 þegar 982 fyrirtæki fóru í þrot. Heildarfjöldi nýskráðra einkahlutafélaga árið 2011 var 1.700 samanborið við 1.627 einkahlutafélög árið 2010. Það jafngildir um 4,5% fjölgun.