Skessuhorn:

Dimmiterað í Grundarfirði

6. maí 2011

Væntanlegir útskriftarnemar í Fjölbrautaskóla Snæfellinga í Grundarfirði eru að dimmitera í dag. Allir eru þeir klæddir eins og Valli hinn týndi.  Meðal annars var farið niður í Torfabót í góða veðrinu. Breiddur var plastdúkur yfir grasið, sett sápa á dúkinn og svo vatn þannig að þetta varð flughált. Á dúknum var farið í skotbolta og fótbolta ásamt því að bara fleygja sér á dúkinn og láta sig renna sem lengst.