Skessuhorn:

Ekki tímabært að taka nagladekkin undan

15. apríl 2011

Jafnan er 15. apríl sá dagur ársins sem gert er ráð fyrir að nagladekkin séu tekin undan bílum. Í Reykjavík er auglýst að frá og með deginum í dag séu bíleigendur sektaðir hafi þeir ekki sinnt dekkjaskiptum fyrir þann tíma. Þó hafa bíleigendur með lögheimili utan höfuðborgarsvæðisins sloppið við sektir, undanfarin ár að minnsta kosti. Lögregla utan höfuðborgarsvæðisins sektar ekki bíleigendur fyrir nagladekkjanotkun fyrr en í fyrsta lagi um mánaðamótin apríl – maí. Hvað sem öllum reglum áhrærir þá var færðin í morgun þess eðlis að nagladekkin hafa sjaldan í vetur komið að betri notum. Hiti er rétt fyrir neðan frosmark og nýfallin snjór myndar glærahálku. Illa búnir bílar voru þannig í vandræðum í umferðinni í morgun á Akranesi þar sem þessi mynd var tekin.