Skessuhorn:

Kynningarfundur um umhverfismál á Grundartanga

7. apríl 2011

Opinn kynningarfundur um umhverfismál verður að Hótel Glymi að Hvalfjarðarströnd, í dag fimmtudaginn 7. apríl  og hefst hann kl. 13. Á fundinum verða kynntar niðurstöður mengunarvarna og umhverfisvöktunar á Grundartanga fyrir árið 2010. Þetta er sameiginlegur fundur iðjuveranna á Grundartanga, það er Elkem Ísland og Norðurál. Á fundinum munu liggja frammi eintök af ársskýrslu um umhverfisvöktun á Hvalfjarðarsvæðinu fyrir iðjuverin á Grundartanga. Verkfræðistofan Elfa vann ársskýrsluna. Áhugasamir eru hvattir til að mæta á fundinn, segir í tilkynningu.