Bókin „Eldur Niðri“ er að koma út. Í henni lýsir Haraldur Sigurðsson eldfjallafræðingur ævintýralegu lífshlaupi. Haraldur er einn þekktasti vísindamaður Íslands, en hann var nýlega sæmdur heiðursdoktorsnafnbót við Háskóla Íslands. Bókin er einstök heimild um uppeldi, sköpun og þróun jarðvísindamanns, sem hefur unnið brautryðjendastörf á rannsóknum á eldfjöllum víðs vegar um heiminn. Í bókinni fjallar Haraldur á hispurslausan hátt um spennandi og oft lífshættuleg rannsóknaverkefni, um ástir, sigra, áföll og margt annað sem hefur gerst á nær fimmtíu ára ferli. Í frásögn sinni kemur hann til dyra eins og hann er klæddur, þegar hann greinir frá leiðöngrum sínum í Indónesíu, Ítalíu, Haítí, Vestur Indíum, Grikklandi, Afríku og víðar.
|
Brenndandi áhugi hans á leyndardómum jarðar kviknaði á æskustöðvunum á Snæfellsnesi og leiðir af sér ævilangt ferðalag um flest stórvirkustu eldfjöll heims, þar til hann lokar hringnum með stofnun Eldfjallasafns í Stykkishólmi. Eftir atburðaríkan feril við eldfjallarannsóknir um heim allan hefur Haraldur Sigurðsson frá mörgu að segja. Útgefandi bókarinnar er Vulkan ehf og Eldfjallasafnið í Stykkishólmi, Bókhlöðustíg 10.
|
