Skessuhorn:

Féll fyrir borð og drukknaði

28. febrúar 2011

Grænlenskur sjómaður féll fyrir borð rétt út af Malarrifi á Snæfellsnesi á níunda tímanum í gærkvöldi. Hann var á grænlensku nótaveiðiskipi sem var á loðnuveiðum rétt vestur af landinu þegar slysið varð. Í frétt á mbl.is segir að beiðni um aðstoð hafi borist stjórnstöð Landhelgisgæslunnar um níuleytið og fór þyrla í loftið um hálftíma síðar. Maðurinn náðist um borð en læknir, sem var um borð í þyrlunni, seig niður ásamt sigmanni. Sjómaðurinn var úrskurðaður látinn í kjölfarið.