Skessuhorn:

Björgunarfélagið sinnir óveðursaðstoð

11. febrúar 2011

Félagar í Björgunarfélagi Akraness voru í morgun kallaðir út til að sinna óveðursaðstoð. Einkum þurfti að aðstoða húseigendur við að bjarga lausamunum sem farnir voru á stjá í rokinu. Meðal annars brotnuðu rúður í gróðurhúsi í garði við heimahús og þurfti að binda það niður svo það splundraðist ekki. Þá splundraðist smáhýsi við Bjarkargrund og víðar um bæinn voru smáhlutir og sorptunnur að fjúka. Björgunarsveitarmenn verða á vakt þar til veður fer að ganga niður.