 Laugardagurinn 19. júní er stór dagur fyrir Pauline McCarthy á Akranesi og mann hennar Tryggva Sigurðsson. Klukkan 16 munu þau láta pússa sig saman í hjónaband að hætti ásatrúarmanna og að keltneskum sið, enda er Pauline skosk. Athöfnin fer fram við félagsheimilið Miðgarð. En þessi athöfn er ekki það eina sem Pauline hefur ástæður til að fagna, því sama dag fyllir hún 50 árin. “Mig langar því að bjóða vinum mínum að koma og þiggja veitingar frá klukkan 19 í Miðgarði. Það verður mikið sungið og dansað og áreiðanlega gaman,” segir hún.
|
