 Mikil breyting verður á högum fólks þegar það eignast fatlað barn. Margir foreldrar fatlaðra barna, sérstaklega barna sem eiga við svipaða fötlun að stríða, hafa myndað með sér formleg eða óformleg samtök. Á Vesturlandi eru til að mynda 14 einstaklingar á barna- og unglingsaldri sem flokkast undir Down syndrome einkenni. Foreldrar þeirra hafa haft það fyrir reglu að hittast annað slagið með börnin, gera sér glaðan dag yfir góðu kökuborði og við leik barnanna. Þessi hópur hittist núna á sumardaginn fyrsta í Holti fyrir ofan Borgarnes, þar sem starfrækt er skammtímavistun og sumarbúðir. Þetta var í sjötta skiptið sem hópurinn hittist og oftast hefur hann komið saman á heimilum skjólstæðinganna. Ekki hefur þó verið um reglulegan „hitting“að ræða og til að mynda var þetta í fyrsta skiptið sem sumardagurinn fyrsti er nýttur í þessu tilefni.
|
Blaðamaður Skessuhorns kíkti í heimsókn í Holt og hitti þar börnin og foreldrana sem eru af öllu Vesturlandi. Mætingin var góð eins og jafnan og til að mynda voru þrjár fjölskyldur úr Snæfellsbæ, ein úr Stykkishólmi og ein úr Dölum. Einnig var von á fjölskyldu frá Reykhólum sem hefur verið duglega að mæta, en þar er fimmtándi skjólstæðingurinn í hópnum.
Sjá nánar í Skessuhorni vikunnar.
|
