 Vegna væntanlegrar opnunar Brúðuheima í húsunum í Englendingavík í Borgarnesi hefur Hildur M Jónsdóttir framkvæmdastjóri hug á að setja upp sýningu á gömlum ljósmyndum úr víkinni. “Sérstaklega er ég að leita eftir myndum af húsunum frá mismunandi tímum og mannlífi í og í kringum húsin. Ekki síst myndir af mannlífi tengdu þeirri starfsemi sem var í húsunum á hverjum tíma; frá tímum Thordaldsverslunar, Finnsverslunar, Verslun Akra Jóns, Brydeverslunar, Kaupfélags Borgfirðinga og síðar. Allar myndir sem hugsanlega leynast í fórum fólks og gaman væri að hafa á sýningunni eru vel þegnar,” segir Hildur.
|
